उम्मेदवार छनोट गर्न बिहान ९ बजे देउवा पक्षको बैठक बस्दै
प्रकाशित मिति : 8 December, 2021 8:15 am
काठमाडौं । नेपाली कांग्रेसको १४ औँ महाधिवेशनका लागि उम्मेदवार छनोट गर्न प्रधानमन्त्री तथा नेपाली कांग्रेस सभापति शेरबहादु देउवाले आफू पक्षीय नेताहरुको बैठक बोलाएका छन्।
आज बिहान ९ बजे बुढानिलकण्ठमा आफ्नो समूहबाट पदाधिकारीमा उम्मेदवारको टुंगो लगाउन आफू निकट नेताहरुको बैठक बोलाएका बताइएको छ ।
देउवा पुन: सभापतिमा उठ्ने तयारीमा रहेका छन् भने अन्य उम्मेदवारको टुंगो लागेको छैन । उपसभापतिमा विमलेन्द्र निधीले उम्मेदवारी घोषणा गरिसकेका छन् ।
देउवा समुहबाट दुई महामन्त्रीका लागि ४ जना आकांक्षी देखिएका छन् । विश्वप्रकाश शर्मा, बालकृष्ण खाँण, प्रकाश शरण महत र एनपी शर्माले महामन्त्रीमा दाबी गरेका छन्।
नेपाली कांग्रेसको १४ औँ महाधिवेशन शुक्रबारबाट काठमाडौँमा सुरु हुँदैछ।
