बुधबार प्रतितोला ५ सय बढ्यो सुन
प्रकाशित मिति : 8 December, 2021 11:45 am
काठमाडौं । नेपाली बजारमा बुधबार सुनको मूल्य बढेको छ । मंगलबार ९१ हजार ८ सयमा कारोबार भएको छापावाला सुनको मूल्य ५ सयले बढेर तोलाको ९२ हजार ३ सयमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको मूल्य प्रतितोला ९१ हजार ८ सय रहेको छ ।
महासंघले दिएको जानकारी अनुसार आज चाँदीको मूल्य पनि बढेको छ । हिजो ११९० रुपैयाँमा कारोबार भएको चाँदी आज १० रुपैयाँले बढेर तोलाको १२०० रुपैयाँ कारोबार मूल्य तोकिएको छ ।
