[अपडेट] हेलिकप्टर दुर्घटनामा भारतको संयुक्त सेना प्रमुख रावतसहित १३* जनाको मृत्यु
काठमाडौं । भारतको तमिलनाडुस्थित कन्नुरमा भएको हेलिकप्टर दुर्घटनामा भारतको संयुक्त सेना प्रमुख विपिन रावतसहित १३* जनाकै मृत्यु भएको छ ।
दुर्घटनामा रावत र उनकी पत्नी तथा उच्च सैनिक अधिकारीसहित १३* जनाको मृत्यु भएको भारतीय वायु सेनाले पुष्टि गरेको छ ।
जनरल विपिन रावत ३१ डिसेम्बर २०१६ देखि ३१ डिसेम्बर २०१९सम्म सेनाको प्रमुख पदमा कार्यरत थिए । भारतीय रक्षामन्त्री राजनाथ सिंहले पनि ट्वीट गर्दै रावतको निधनको पुष्टि गरेका छन् ।
Deeply anguished by the sudden demise of Chief of Defence Staff Gen Bipin Rawat, his wife and 11 other Armed Forces personnel in an extremely unfortunate helicopter accident today in Tamil Nadu.
His untimely death is an irreparable loss to our Armed Forces and the country.
— Rajnath Singh (@rajnathsingh) December 8, 2021
उनलाई १ जनवरी २०२० मा चिफ अफ डिफेन्स स्टाफको जिम्मेवारी दिइएको थियो । रावत भारतीय सैनिक इतिहासमा पहिलो सिडिएस हुन् ।
हेलिकप्टर भारतको तमिलनाडुस्थित सुलुर सैनिक शिविरबाट वेलिङ्गटन गइरहेका बेला दुर्घटनामा परेको हो ।
*अन्यथा भएकाले सच्चाइएको
