कांग्रेसको १४ औं महाधिवेशनमा रोल्पाका ३ नेताद्वारा केन्द्रीय सदस्यमा उमेद्वारी घोषणा

काठमाडौं । नेपाली कांग्रेसको १४ औं महाधिवेशनमा रोल्पाबाट ३ जनाले केन्द्रीय सदस्यमा उमेद्वारी घोषणा गरेका छन् ।

रोल्पा कांग्रेसका संस्थापक सभापति सुरेन्द्र हमाल, तीन कार्यकाल रोल्पा सभापति बनेका माधवप्रसाद आचार्य र नेविसंघका पूर्वमहामन्त्री मनोजमणि आचार्यले केन्द्रीय सदस्यमा उमेद्वारी घोषणा गरेका हुन् ।

मनोजमणि नेपाल विद्यार्थी संघ रोल्पाका पूर्व अध्यक्ष र महासमिति सदस्य हुन् भने हमाल पूर्वराज्यमन्त्री हुन् ।

माधवप्रसाद आचार्यले ३ पटक रोल्पाको सभापतिको जिम्मेवारी सम्हालेका थिए । नेपाली कांग्रेसको महाधिवेशन आजदेखि काठमाडौंमा सुरु भएको छ ।

कांग्रेस रोल्पाका निवर्तमान सभापति अमरसिंह पुन भने यसअघि  लुम्बिनी प्रदेशको सभापतिमा निर्वाचित भइसकेका छन् ।