पुस ६ गते एक बजे बस्ने गरी प्रतिनिधिसभा बैठक सकियो
प्रकाशित मिति : 14 December, 2021 3:17 pm
काठमाडौं । प्रतिनिधि सभाको मंगलबा बसेको बैठक सकिएको छ। सभामुख अग्नि सापकोटाले अर्को बैठक पुस ६ गते मंगलबार दिउँसो १ बजे बस्ने जानकारी दिएका छन् ।
मंगलबारदेखि सुरु भएको प्रतिनिधि सभाको १०औं अधिवेशनको पहिलो बैठकमा प्रमुख प्रतिपक्षी दल नेकपा एमालेले अवरोध कायम राखेको थियो।
मंगलबार दिउँसो बैठक सुरु भएलगत्तै एमालेका सासंदहरूले नाराबाजी गर्न थालेका थिए।
यसअघि एमालेले पटक–पटक अवरोध गरी संसद चल्न दिएको छैन् । पछिल्लो पटक प्रतिनिधि सभाको बैठक कात्तिक ११ गते बसेको थियो ।
एमाले अवरोधकै बीच सभामुख अग्नि सापकोटाले मंगलबारको कारबाही अगाडि बढाएका थिए।
कानुन मन्त्री दिलेन्द्रप्रसाद बडुले तेजाब तथा अन्य घातक रासायनिक पदार्थ नियमन अध्यादेश २०७८ लगायत अध्यादेश संसदमा प्रस्तुत गरेका छन् ।
