कांग्रेस उपसभापतिमा पूर्णबहादुर खड्का र धनराज गुरुङ विजयी
प्रकाशित मिति : 16 December, 2021 7:01 am
काठमाडौं । नेपाली काँग्रेसको उपसभापतिमा पूर्णबहादुर खड्का र धनराज गुरुङ विजयी भएका छन् ।
काठमाडौंमा जारी कांग्रेसको १४ औं महाधिवेशन अन्तर्गत दुई जना उपसभापतिका लागि सात जना उम्मेदवारबीच प्रतिस्पर्धा भएको थियो ।
खड्काले २१२१ र गुरूङले १९०८ मत ल्याएर विजयी भएका छन् । खड्का सभापति निर्वाचित शेरबहादुर देउवा प्यानलका उम्मेदवार हुन् भने गुरूङ शेखर कोइराला समूहका नेता हुन् ।
विजय गच्छदारले १९०६, चन्द्र भण्डारीले १५८०, सुजाता कोइरालाले ६४४, महेश आचार्य ५८९ र दिव्यश्वरी शाहले १३२ मत ल्याए । गच्छदार गुरुङसँग २ मतले पराजित भएका हुन् ।
