चन्द्रागिरीमा हिउँ पर्यो

काठमाडौं । मौसम पूर्वानुमान महाशाखाका अनुसार हाल देशभर सामान्य देखि पूर्ण बदली रही अधिकांश स्थानहरूमा हल्का वर्षा भइरहेको छ भने उच्च पहाडी तथा हिमाली भूभागमा हल्का हिमपात भइरहेको छ ।

काठमाडौं उपत्यकामा गए रातिदेखि बर्षा शुरु भएको छ । बर्षाका कारण उपत्यका यतिबेला चिसो एकदमै बढेको छ । वर्षासँगै प्रमुख पर्यटकीय केन्द्र चन्द्रागिरिमा हिमपात सुरु भएको चन्द्रागिरी हिल्स प्रालिले जानकारी दिएकाे छन् ।

त्यस्तै डोल्पा, जाजरकोटको बारेकोट र रुकुम पश्चिमको आठबीसकोट नगरपालिकाको उच्च भागमा, रोल्पाको जलजलामा पनि हिमपात जारी रहेको छ। हिमपातसँगै अधिकांश ठाउँको फोन र यातायात सेवासमेत प्रभावित भएको स्थानियले जनाएका छन् ।