पाल्पामा बस दुर्घटना हुँदा सातको मृत्यु
प्रकाशित मिति : 2 January, 2022 12:33 pm
काठमाडौं । पाल्पामा बस दुर्घटना हुँदा सात जनाको मृत्यु भएको छ । बुटबलदेखि रिडीतर्फ गइरहेको बस दुर्घटना हुँदा ७ जनाको मृत्यु भएको र आठ जनालाई उपचारका लागि तानसेनस्थित अस्पताल पठाइएको प्रहरीले जनाएको छ ।
पाल्पाको रिब्दीकोट गाउँपालिका– २ लघुवामा लु १ ख ७२७९ नम्बरको बस सडकबाट ६० मिटर तल खसेकोे जिल्ला प्रहरी कार्यालयका प्रहरी नायब उपरीक्षक रामेश्वर श्वातीले बताए ।
घाइतेको उद्धारमा प्रहरी र स्थानीयवासी लागेका छन् । मृत्तकको सनाखत हुन बाँकी रहेको प्रहरीले जनाएकाे छ । दुर्घटना बिहान १०ः३० बजे भएको बताइएको छ ।
