अचानक आएको बादलले भारतको संयुक्त सेना प्रमुख रावत दम्पत्तिसमेत चौधको ज्यान लिएको खुलासा
काठमाडौं ।अचानक आएको बादलले भारतको संयुक्त सेना पहिलो प्रमुख (फस्ट चीफ अफ डिफपेन्स स्टाफ)जनरल विपिन रावत दम्पत्ति समेत चौधको ज्यान लिएको खुलासा भएको छ ।
हेलिकप्टर उडेको केही बेरमै भएको दुर्घटना संयुक्त सेनाका पहिलो प्रमुखको जिम्मेवारी पाएका रावत र उनकी पत्नी समेत गरी चौध जनाको मृत्युको घटनाबारे छानबिन समितिसँग सम्बद्ध व्यक्तिले यस्तो खुलाएको समाचार द प्रिन्टमा सार्वजनिक भएको हो ।
हवाई सेनाका प्रमुख मार्सल भीआर चौधरी, भारतीय सेनाका प्रमुख र हवाई सेनाका मार्सल मानवेन्द्रसिंह, हवाई सेनाका कमान्डिंग इन्चिफ अफ द टेनिंग कमाण्डसहितको टोलीले जनरल रावत र उनकी पत्नी समेत गरी चौध जनाको ज्यान जाने गरी भएको घटनाको छानबिन बारे भारतका रक्षामन्त्री राजनाथ सिंहलाई संक्षिप्त जानकारी बुधबार दिएको छ ।
यो कुनै किसिमको प्राविधिक त्रुटि, आक्रमण वा मिसाइल आक्रमणबाट सो दुर्घटना नभएको छानबिनबाट जानकारी भएको हो ।
छानबिन समितिले घटनास्थल वरपर रहेका पर्यटकहरुले खिचेको भिडियोमा हेलिकप्टर बादलमा हराएको देखिन्छ । दुर्घटना हुन केही समय अघि मात्र बादलमा हेलिकप्टरमा हराएको छानबिनमा पनि देखिएको हो ।
