प्रदेश २ की मन्त्री कर्ण चढेकाे गाडी दुर्घटना,६ जना घाइते
प्रकाशित मिति : 5 January, 2022 6:52 pm
काठमाडौं । प्रदेश नम्बर दुईकी आन्तरिक मामिला तथा सञ्चार राज्यमन्त्री रुबी कुमारी कर्ण दुर्घटनामा परेकी छिन् ।
छिनमस्ता गाउँपालिका ६ खुदीबखारीमा हत्या गरिएका मुक्तिमण्डलको परिवारसँग भेटघाट गर्न जाने क्रममा राज्यमन्त्री कर्ण दुर्घटनामा परेकी हुन् ।
मुक्ति मण्डलको परिवारसँग भेटगरेपछि सोही गाउँ पालिका वडा न १ बरहीबीरपुरका हत्या गरिएका भुटी यादवको परिवार भेट्न जाने बेला छिन्नमस्ता सडक खण्डमा उनी दुर्घटनामा परेकी हुन् । बेलुका मन्त्री लगायत गाडीमा ६ जना सवार रहेका थिए ।
अहिले घाइतेहरुको उपचार राजविराजस्थित छिन्नमस्ता अस्पतालमा भइरहेको र उनीहरुको अवस्था सामान्य रहेको छ ।
