प्रधानमन्त्री सहभागी हुने भाइब्रेन्ट गुजरात समिट स्थगित
प्रकाशित मिति : 6 January, 2022 1:21 pm
काठमाडौं । भारतको गुजरातमा आयोजना गरिएको भाइब्रेन्ट गुजरात समिट स्थगित भएको छ । गुजरातमा जनवरी १० देखि १२ सम्म आयोजना गरिएको भाइब्रेन्ट गुजरात समिट स्थगित भएको भारतीय संचारमाध्यामहरुले जानकारी दिएका छन् ।
भारतीय सञ्चार माध्यम एएनआईका अनुसार पछिल्लो समय कोरोना भाइरसको नयाँ भेरियन्ट ओमिक्रोनको संक्रमण तीव्र रुपमा फैलिएको कारण गुजरात सरकारले समिट स्थगित गरिएको छ ।
भारतको गुजरातमा हुने भ्राइब्रेन्ट गुजरात समिट स्थगित भएपछि प्रधानमन्त्री देउवाको भारत भ्रमण पनि रोकिएको हो । उक्त समिटमा भाग लिन पुस २५ गते प्रधानमन्त्री शेरबहादुर देउवा भारत भ्रमणमा जाने कार्यक्रम तय भएको थियो ।
