कोरोना संक्रमणबाट मृत्यु हुनेको संख्या शून्य, एकै दिन २ लाख ४३ हजारले खोप लगाए
प्रकाशित मिति : 8 January, 2022 4:17 pm
काठमाडौं । देशभर ९ सय ४४ कोरोना संक्रमित थपिएका छन् । स्वास्थ्य तथा जनसंख्या मन्त्रालयले सार्वजनिक गरेको पछिल्लो २४ घण्टाको तथ्याङ्क अनुसार कोरोना संक्रमणबाट कसैको मृत्यु भएको छैन ।
हिजो पनि कसैको मृत्यु भएको थिएन । १३ हजार २ सय ६४ जनामा परीक्षण गर्दा ९ सय ४४ जनामा संक्रमण पुष्टि भएको हो । त्यस्तै २९७ जना निको भएका छन् ।
मन्त्रालयका अनुसार पछिल्लो २४ घण्टामा २ लाख ४३ हजार ४ सय ६० जनाले खोप लगाएका छन् । देशभर सक्रिय संक्रमितको संख्या ६,१४० जना रहेका छन् ।
