राष्ट्र बैंकद्वारा २ रुपैयाँको नयाँ सिक्का प्रचलनमा
काठमाडौं । नेपाल राष्ट्र बैंकले २ रुपैयाँको नयाँ सिक्का आजबाट प्रचलनमा ल्याएको छ ।
साविककै वृत्ताकार र सुनौलो रंगमा टकमारी गरिएको २०७७ साल लेखिएको दुई रुपैयाँको सिक्का आजबाट प्रचलनमा ल्याइएको राष्ट्र बैंकले जनाएको छ ।
सिक्काको बीच भागमा सात प्रदेशसहितको नेपालको नक्सा रहेको छ भने सिक्काको अग्रभागमा वृत्ताकार घेराभित्र वरिपरि चौसठ्ठी वटा थोप्लाहरु रहेका छन् ।
सिक्काको माथिल्लो भागमा अंग्रेजीमा च्क. त्ध्इ र तल्लो भागमा देवनागरी लिपिमा २ रुपैयाँ लेखिएको छ ।
नेपालको नक्साको ठीक माथिपट्टि दायाँतर्फ फरक क्षमता भएका दृष्टिविहीन हरुले स्पर्श गरेर सिक्काको दर पहिचान गर्न सक्ने दुईवटा थोप्ला रहेका छन् ।
सिक्काको पृष्ठभागमा पनि वृत्ताकार घेराभित्र वरिपरि चौसठ्ठी वटा थोप्लाहरु रहेका छन् । आठ थोप्ला सहितको वृत्ताकार चित्र र सोभित्र वर्गाकार आकृतिको बाहिरपट्टि वरिपरि चन्द्र, सूर्य, चक्र, शंख, पद्म, गदाको आकृति रहेका छन् ।
सिक्काको बीच भागमा जानकी मन्दिरको आकृति र सो आकृतिको मुनि देवनागरी लिपिमा जानकारी मन्दिर लेखिएको छ । सिक्काको माथिल्लो भागमा देवनागरी लिपिमा नेपाल र तल्लो भागमा २०७७ लेखिएको छ ।
