पछिल्लो २४ घण्टामा ४९६१ जनामा कोरोना संक्रमण पुष्टि, तीन जनाको मृत्यु

काठमाडौं । नेपालमा पछिल्लो २४ घण्टामा थप ४ हजार ९ सय ६१ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १५ हजार १ सय ३१ जनाको नमुना परिक्षण गर्दा ४ हजार नौ सय ६१ जनाको कोरोना संक्रमण पुष्टि भएको हो । परिक्षण गरिएको नमुनामध्ये १२ हजार ५ सय ६२ पिसिआर र दुई हजार पाँच सय ६९ जनाको एन्टीजेन माध्यमबाट परिक्षण गरिएको हो ।

पछिल्लो २४ घण्टामा ४३५ जना कोरोन संक्रमणमुक्त भएका छन् भने ५४ हजार ३ सय १२ जनाले कोरोना विरुद्दको खोप लगाएको मन्त्रालयले जनाएको छ ।

पछिल्लो २४ घण्टामा तीन जनाको मृत्यु भएको छ। नेपालमा हाल २५ हजार ६ सय ८० सक्रिय संक्रमित रहेका छन् ।