पर्यटन मन्त्री प्रेम आलेलाई कोरोना संक्रमण पुष्टि, निर्धारित कार्यक्रमहरु स्थगित
प्रकाशित मिति : 17 January, 2022 12:27 pm
काठमाडौं । संस्कृति, पर्यटन तथा नागरिक उड्डयन मन्त्री प्रेम आलेलाई कोरोना भाइरसको संक्रमण पुष्टि भएको छ ।
मन्त्री आलेलाई कोरोना पुष्टि भएपछि सोमबारका लागि निर्धारित कार्यक्रमहरू स्थगित गरिएको उनको निजी सचिवालयले जनाएको छ ।
यसअघि आइतबार मन्त्री आलेले पशुपतिधर्मशाला र नारायणहिटी दरबारको अवलोकनमा गएका थिए ।
सचिवालयका अनुसार मन्त्री आलेसँगै उनका स्वकीय सचिव हेमन्त रेग्मीलाई पनि कारोना संक्रमण पुष्टि भएको र दुबैजनालाई अवस्था सामान्य रहेको जनाइएको छ ।
