अभियान लघुवित्त वित्तीय संस्थाद्वारा फिल्ड कर्मचारीलाई तालिम
काठमाडौं । अभियान लघुवित्त वित्तीय संस्था लिमिटेडले संस्थाको कर्णाली क्षेत्र अन्तरगतका शाखामा कार्यरत फिल्ड कर्मचारीहरूका लागि तालिम सञ्चालन गरेको छ ।
पुस २८ र २९ गते दुईदिने फिल्ड व्यवस्थापन तालिम सञ्चालन गरेको संस्थाले जनाएको छ ।
प्रशिक्षणको उद्घाटन गर्दै संस्थाका अध्यक्ष बाबुराम थापाले लघुवित्त सेवा प्रवाहमा फिल्ड कर्मचारीहरू प्रत्यक्ष रुपले सहभागि हुने भएकाले क्षमता अभिवृद्धी गर्न आवश्यक रहेकाले प्रशिक्षण आयोजना गरेको बताए ।
कैलालीको धनगढीमा रहेको होटल फ्लोरामा सञ्चालन गरिएको तालिममा १५ वटा शाखाका २७ जना फिल्ड कर्मचारी सहभागि भएका थिए । तालिमको सहजीकरण संस्थाका अनुगमन अधिकृत तथा विभागीय प्रमुखहरूले गरेका थिए ।
पनौती-४ काभ्रेपलाञ्चोकमा केन्द्रीय कार्यालय रहेको अभियान लघुवित्त संस्था राष्ट्रिय स्तरको वित्तीय संस्था हो ।
संस्थाले ९ करोड ७५ लाख रुपैयाँ बराबरको ९ लाख ७५ हजार कित्ता आईपीओ निष्कासन गर्ने प्रक्रिया अगाडि बढाएको छ ।
हाल चुक्तापूँजी १५ करोड २५ लाख रुपैयाँ रहेको संस्थाको आईपीओ जारी गरेपश्चात् चुक्तापूँजी २५ करोड रुपैयाँ पुग्ने छ ।
