रोल्पा नगरपालिकाद्वारा १० नगर प्रहरी नियुक्त

रोल्पा । रोल्पा नगरपालिकाले नगर प्रहरी नियुक्त गरेको छ ।

नगरपालिकाले राखेको विभिन्न परीक्षाबाट उत्तिर्ण भएका १० जनालाई नियुक्ति दिइएको हो । नगर प्रमुख पूर्ण केसीले १ हवलदार र ९ जवानसहित १० जनालाई आज नियुक्तिपत्र प्रदान गरेका छन् ।

नगरप्रमुख केसीले एक कार्यक्रमका बिच नगर प्रहरीलाई नियुक्ति पत्र दिदै नगरको शान्ति सुव्यवस्थामा सक्रिय भएर लाग्न निर्देशन दिए ।

यस्तै प्रमुख प्रशासकीय अधिकृत महेन्द्र पराजुलीले सबै नगर प्रहरीलाइ अनुशासित र मर्यादित भएर काम गर्न आग्रह गर्दै शुभकामना दिए । छनौट भएका नगर प्रहरीहरूले रोल्पा नगरपालिका–७ को माडीचौर रंगशालामा तालिम लिइरहेका छन् ।