देशभर ५,५८३ जना कोरोना संक्रमित थपिए,सक्रिय संक्रमितको संख्या घट्दाे

काठमाडौं । देशभर ५,५८३ जना कोरोना संक्रमित थपिएका छन् ।

पछिल्लो २४ घण्टामा १७,६७४ जनामा गरिएको परीक्षणमा ५,५८३ जनामा कोरोना संक्रमण पुष्टि भएको हो । पछिल्लो २४ घण्टामा संक्रमित हुने भन्दा निको हुनेको संख्या बढी छ । त्यस्तै थप ९ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयले सार्वजनिक गरेको तथ्याङ्क अनुसार ८,२६७ जना निको भएका छन् । अब देशभर सक्रिय संक्रमितको संख्या ७४,६५३ रहेको छ ।

पछिल्लो समय कोरोना संक्रमितको संख्या स्थिर छ भने ९० हजार भन्दा माथि रहेको सक्रिय संक्रमितको संख्या घट्दै गएको छ ।