कोभिशिल्ड बनाउने कम्पनी विरूद्ध १० अर्ब भारु क्षतिपूर्ति दिन मुद्दा दायर
काठमाडौं ।भारतको कोरोना खोप बनाउने कम्पनी सिरम इन्स्टिच्युट अफ इण्डिया विरूद्ध १० अर्ब भारु( १००० करोड) बराबरको क्षतिपूर्ति माग दाबीसहित मुद्दा दायर गरिएको छ । एक मेडिकल प्रोफेसरका पिताले मुम्बई हाइकोर्टमा दायर गरिएको सो माग दाबी सहितको उजुरी दायर गरेका हुन् ।
सो उजुरीमा कोरोना खोपको साइड इफेक्टका कारण मृत्यु भएको दाबी गरिएको छ ।
कोभिशिल्ड खोप बनाउने कम्पनी सिरम इन्स्टिच्युट अफ इण्डिया, उसको सहयोग अर्बपति बिल गेट्स, केन्द्र सरकार र राज्य सरकारका अधिकारीहरूलाई प्रतिपक्षी बनाइ यो मुद्दा दायर गरिएको छ ।
वादी दिलीप लूनावतले जनाए अनुसार उनकी ३३ वर्षीय छोरी स्नेहल लूनावत नागपुरस्थित एक मेडिकल कलेजमा बरिष्ठ लेक्चरर थिइन् । कोभिशिल्डको पहिलो खोप छोरी लूनावतले २८ जनवरी २०२१मा नासिकमा लिएकी थिइन् । ५ फेब्रुअरीमा टाउको धेरै दुख्यो । डाक्टरले उनलाई माइग्रेनको औषधि दियो । यसबाट उनलाई केही सजिलो अनुभव भयो । ५ फेब्रुअरीका दिने गुड़गांवको यात्रा गरिन् । ७ फेब्रुअरी बिहान २ बजे थकान महसुस भयो र वान्ता गरिन् ।
नजिकको आर्यन अस्पतालमा भर्ना गरियो ।स्नेहललाई उनको मगजमा ब्लिडिङ् भएको भनियो र रगत जमेर ब्रेन ह्यारेज भयो । उनको स्थितिमा कुनै सुधार भएन् । १२ भेण्टिलेटरमा रहेर उनको १ मार्च २०२१मा मृत्यु भयो ।
छोरी स्वास्थ्यकर्मी भएकोले उनलाई खोप लिन बाध्य पारियो । ड्रग कन्ट्रोलर जनरल अफ इण्डिया र अल इण्डिया इन्स्टिच्युट अफ मेडिकल साइन्सले खोपको सुरक्षासम्बन्धी गलत जानकारी दिएको पिताको लूनावतको भनाइ छ ।
सिरम इन्स्टिच्युटले खोपकोको कुनै दुष्प्रभाव नभएको भन्नु गलत भएको वादी दाबी छ ।
केन्द्र सरकारको आफ्टर इफेक्ट्स फलोइङ इम्युनाइजेसन कमिटिले २ अक्टोबर २०२१मा स्नेहलको मृत्यु खोपको साइडइफेक्टबाट भएको स्वीकार गरेको दैनिक भाष्कर भारतीय अनलाइनमा उल्लेख गरिएको छ ।
पिता लूनावताले राज्यकोे जिम्मेवार अधिकारीहरू र कोभिशिल्ड खोप निर्माता कम्पनी सिरम इन्स्टिच्युट पुणेबाट क्षतिपूर्ति पाउनुपर्ने माग गरेका छन् । साथै स्नेहललाई सहिद घोषणा गरी स्नेहलप्रति समर्पित एक शोध प्रतिष्ठान खोल्नुपर्ने माग गरिएको छ ।
