कोरोनाबाट पछिल्लो २४ घण्टामा १४ जनाको मृत्यु, आठ हजार ७२३ जना संक्रमणमुक्त
प्रकाशित मिति : 3 February, 2022 6:03 pm
काठमाडौं । नेपालमा पछिल्लो २४ घण्टामा कोरोना भाइरस संक्रमणबाट १४ जनाको मृत्यु भएको छ ।
स्वास्थ्य तथा जनसंख्या मन्त्रालयले बिहीबार सार्वजनिक गरेको जानकारीअनुसार पीसीआर र एन्टिजेन विधिबाट गरिएको १२ हजार ६०५ परीक्षणमा ३ हजार १७५ मा कोरोना पोजिटिभ देखिएको छ ।
त्यसैगरी पछिल्लो २४ घण्टामा आठ हजार ७२३ जना कोरोना संक्रमणबाट निको भएका छन् ।
नेपालमा पछिल्लो २४ घण्टामा २ लाख ६६ हजार ५४० ले खोप लगाएका छन् भने सक्रिय संक्रमितको संख्या ६३ हजार २९६ रहेको छ ।
हालसम्म नेपालमा कोरोना संक्रमणबाट मृत्यु हुनेको संख्या ११ हजार ७७८ रहेको छ ।
हाल देशभर १३८ जना क्वारेन्टाइनमा रहेका छन् ।
