सभामुख सापकोटालाई काभ्रेमा अनेरास्ववियुको कालोझण्डा

काठमाडौं । नेकपा एमाले निकटको विद्यार्थी संगठन अनेरास्ववियुले सभामुख अग्निप्रसाद सापकोटालाई कालोझण्डा देखाएको छ । अनेरास्ववियुका विद्यार्थीले काभ्रेपलाञ्चोकको धुलिखेलस्थित बिपी राजमार्गमा सभामुख सापोटालाई कालोझण्डा देखाएका छन्।

एमालेले कारबाही गरेका सांसदलाई पदमुक्त नगरेको भन्दै अनेरास्ववियु काभ्रेका विद्यार्थीले नारावाजीसहित सभामुख सापकोटालाई कालोझण्डा देखाएका हुन।

काभ्रेमा भएको एक कार्यक्रममा सहभागि हुन जाँदै गर्दा सभामुख सापकोटालाई कालोझण्डा देखाइएको हो। प्रदर्शनकारीले सभामुख सापकोटा सवार गाडीमा समेत अवरोध गरेका थिए।