पछिल्लो २४ घण्टामा ११२८ जना कोरोना संक्रमित थपिए, १४ जनाको मृत्यु

काठमाडौं । पछिल्लो २४ घण्टामा देशभर ११२८ जना कोरोना संक्रमित थपिएका छन् भने १४ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार १७ हजार ४४७ पीसीआर परीक्षणमा जम्मा ६६६ जनामा संक्रमण पुष्टि भएको छ । त्यस्तै तीन हजार ५४२ एन्टिजेन परीक्षणमा ४६२ जना गरी कुल ११२८ जनामा संक्रमण पुष्टि भएको हो ।

त्यस्तै दुई हजार २१५ जना कोरोना संक्रमणमुक्त भएका भने हाल देशभर कोरोना भाइरसको सक्रिय संक्रमितको संख्या २७ हजार ४४१ जना रहेको मन्त्रालयले जनाएको छ ।

मन्त्रालयका अनुसार कोरोना संक्रमणका कारण ज्यान गुमाउनेको संख्या ११ हजार ८७८ रहेको  छ ।