कमल थापाले पुरानाे पार्टी ‘राप्रपा नेपाल’ ब्युँताउने

काठमाडाैं । कमल थापाले पुरानाे पार्टी ‘राप्रपा नेपाल’ ब्युँत्याउने भएका छन् । थापाले आइतबार प्रेस विज्ञप्ति जारी गर्दै आगामी फागुन ७ गते काठमाडाैंमा नयाँ पार्टी घाेषणा गर्ने जनाएका छन् ।

राप्रपा नेपाल विगतमा कमल थापाले नै स्थापना गरेको पार्टी थियो  । २०७३ सालमा पशुपतिशम्शेर राणाले नेतृत्व गरेको राप्रपासँग एकता गरेर राष्ट्रिय प्रजातन्त्र पार्टी बनेकाे थियाे ।

त्यसयता राप्रपा नेपालको नाममा अर्को पार्टी निर्वाचन आयोगमा दर्ता भएको थियो । थापा नयाँ पार्टीमा गए पनि पुरानाे पार्टी लाक्पा शेर्पा अध्यक्ष बनेर चलाइरहेका थिए । शेर्पाले पनि पार्टी थापालाई जिम्मा लगाएकाे घाेषणा गरेका छन् ।

थापाले गत साता राप्रपा परित्याग गरेकाे घाेषणा गरेका थिए । उनले पार्टी परित्याग गरेकाे विषयमा बहस चलिरहँदा पुरानै पार्टी ब्युँताउने घाेषणा गरेका हुन् ।