पछिल्लो २४ घण्टामा देशभर ५२१ जना कोरोना संक्रमित थपिए, १० जनाको मृत्यु

काठमाडौं । पछिल्लो २४ घन्टामा नेपालमा कोरोना भाइरसका ५ सय २१ जना संक्रमित थपिएका छन् । योसंगै नेपालमा कुल संक्रमितको संख्या ९ लाख ७३ हजार १ सय ५३ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै मन्त्रालयको अनुसार पछिल्लो २४ घन्टामा १० हजार १ सय १५ जनामा परिक्षण गर्दा उक्त संक्रमण पुष्टि भएको हो ।आज ३ हजार ९ सय ३५ जना संक्रमणमुक्त भएका छन् ।

हालसम्म ९ लाख ३८ हजार ५ सय ८३ जना संक्रमणमुक्त भएका छन् । त्यस्तै संक्रमणबाट आज थप १० जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ८ सय ९२ पुगेको स्वास्थ्य तथा जनसंख्या मन्त्रालयले जनाएको छ ।