निर्वाचन आयोगको कार्यालयहरु अब दैनिक ९ घण्टा खुल्ने
प्रकाशित मिति : 13 February, 2022 5:41 pm
काठमाडौं । सरकारले स्थानिय तहको निर्वाचन अगामी वैशाख ३० गते गर्ने भएको छ । यो सँगै स्थानीय निर्वाचनका लागि निर्वाचन आयोगको कार्यालयहरु अब नियमित ९ घण्टा खुल्ने भएका छन् ।
आयोग र आयोग अन्तर्गतका कार्यालयहरूको कार्यालय समय बिहान ९ बजेदेखि साँझ ६ बजेसम्म तय गरिएको हो ।आजबाट हप्तामा २ दिन सोमबार र बिहीबार अपरान्ह ४ बजे आयोगको मिडिया सेन्टरबाट पत्रकार सम्मेलन गर्ने आयोगले जानकारी दिएको छ ।
आयोग र आयोग मातहका कार्यालहरूले बिदाका दिनमा समेत नियमित कार्यसम्पादन गर्ने भएको हो ।
