बालुवाटारमा सत्ता गठबन्धनको बैठक सुरु
प्रकाशित मिति : 20 February, 2022 10:40 am
काठमाडौं । अमेरिकी सहयोग परियोजना एमसीसीको विषयमा छलफल गर्न सत्ता गठबन्धनको बैठक प्रधानमन्त्री निवास बालुवाटारमा सुरु भएको छ । संसद बैठक बस्नुअघि नै एमसीसीबारे गठबन्धनका दलहरुबीच सहमति जुटाउने प्रयासका लागि बैठक बसेको हो ।
साझा धारणा बनाउने प्रयासमा यसअघि पटक–पटक बसेको सत्ता गठबन्धनको बैठक निष्कर्षविहीन भएका थिए । एमसिसी संसदमा लैजाने र छलफल गर्ने विषयमा सत्तारूढ दल नेकपा माओवादी केन्द्रले सहमत नहुँने अडान राख्दै आएको छ ।
आज दिउँसो १ बजे बस्ने प्रतिनिधि सभा बैठकमा एमसीसी अनुमोदनका लागि प्रस्ताव पेश गर्ने सरकारको तयारी छ ।सहमति भए फागुन १६ गतेसम्म अमेरिकी सरकारले नेपालको संसदबाट एमसीसी पास गर्न समयअवधि दिएको छ ।
