सूनको मूल्य एकैदिन २५ सय रुपैयाँले बढ्दा, प्रतितोलाको कतिमा कारोबार हुँदैछ ?

काठमाडौं । नेपाली बजारमा आज सुनको मूल्यमा उछाल आएको छ।नेपाली बजारमा बिहीबार एकैदिन छापावाला सुनको मूल्य प्रतितोला २ हजार ५०० रुपैयाँले बढेको नेपाल सुनचाँदी महासंघले जनाएको छ ।

योसँगै छापावाला सुन प्रतितोला ९९ हजार रुपैयाँ र तेजाबी सुन ९८ हजार ५०० रुपैयाँमा कारोबार भइरहेको महासंघले जनाएको छ ।

हिजो बुधबार सुनको मूल्य प्रतितोलामा ५०० रुपैयाँले घटेर छापावाला सुन ९६ हजार ५०० रुपैयाँ र तेजाबी सुन ९६ हजार रुपैयाँमा कारोबार भएको थियो।

त्यस्तै आज चाँदीको मूल्य पनि तोलामा ३५ रुपैयाँले बढेर १ हजार ३५५ रुपैयाँ कायम भएको महासंघले जनाएको छ। हिजो तोलामा ५ रुपैयाँ बढेर चाँदी १ हजार ३२० रुपैयाँमा कारोबार भएको थियो।