आँधीखोला गाउँपालिकामा नवनिर्मित वडा कार्यालय भवनको उद्घाटन

स्याङ्जा । स्याङ्जाको आँधीखोला गाउँपालिका वडा नम्बर ४ बाङसिङको नवनिर्मित वडा कार्यालय भवनको उद्घाटन गरिएको छ। एक समारोहकाबीच गाउँपालिका अध्यक्ष सुधिरकुमार पौडेलले वडा कार्यालयको नवनिर्मित भवनको उद्घाटन गरेका हुन्।

कार्यक्रममा बोल्दै गाउँपालिका अध्यक्ष सुधीरकुमार पौडेले संरचनाबाट गुणस्तरीय सेवा दिएर जनतालाई सहज बनाउने योजनाअनुरुप सबै वडा कार्यालय बनाउने नीति अनुसार पाँच वटा वडा कार्यालय भवन सम्पन्न भएको बताउँदै आगामी वर्ष वडा नं २ को भवनसमेत सम्पन्न गरी ६ वटै वडा कार्यालय भवन सम्पन्न गर्ने अध्यक्ष पौडेलले बताए ।

गाउँपालिकाको आर्थिक वर्ष २०७७/७८ को रु ९८ लाख लागतमा दुई तले वडा कार्यालय भवन निर्माण गरिएको र भुई तल्लामा कार्यालय रहने वडा कार्यालय भवनको पहिलो तल्लामा १५० जना क्षमता भएको सभाहल निर्माण गरिएको गाउँपालिकाले जनाएको छ ।