राष्ट्र उत्थान लघुवित्तको आइपीओको बाँडफाँड सम्पन्न, यसरी सजिलै हेर्नुहोस् नतिजा !

काठमाडौं । राष्ट्र उत्थान लघुवित्त वित्तीय संस्थाले निष्काशन गरेको आइपीओको बाँडफाँड सम्पन्न भएको छ । उक्त आइपीओको बाँडफाँड बिक्री प्रबन्धक एनआईबीएल एस क्यापिटल लिमिटेडको कार्यालय, लाजिम्पाटमा सम्पन्न भएको हो ।

संस्थाले गत फागुन ४ गतेदेखि ८ गतेसम्म सर्वासाधारणका लागि ८ लाख ५० हजार कित्ता सेयर निष्काशन तथा बिक्री खुला गरेको थियो ।
राष्ट्र उत्थान लघुवित्त वित्तीय संस्था लिमिटेडले प्रतिकित्ता १०० रुपैयाँ अंकित दरमा ८ करोड ५० लाख रूपैयाँ बराबरको ८ लाख ५० हजार कित्ता आईपीओ निष्कासन गरेको हो ।

जसमध्ये जारी पूँजीको ०.५ प्रतिशत अर्थात १३ हजार कित्ता सेयर कर्मचारीहरुका लागि, ५ प्रतिशत अर्थात ४२ हजार ५ सय कित्ता सेयर सामूहिक लगानी कोषका लागि र ७ लाख ९४ हजार ५ सय कित्ता साधारण सेयर सर्वसाधारणका लागि छुट्याइएको थियो ।

अन्तिम दिनसम्ममा २५ लाख २५ हजार २ सय ६१ जनाले आवेदन दिएका थिए । जसमध्ये, ५ हजार ८ सय ५९ जनाको रद्द थिए ।
२५ लाख ७९ हजार ४ सय २ जना योग्य थिए । गोलाप्रथाबाट बाँडफाँड गर्दा भाग्यमानी ७९ हजार ४ सय ५० जनाले १० कित्ता सेयर प्राप्त गरेका छन् ।

यसरी सजिलै हेर्नुहोस् नतिजा ?
आईपीओ बाँडफाँडको काम सम्पन्न भईसकेको भएपनि डाटा अपलोड गर्न केही समय लाग्ने भएकाले आईपीओको नतिजा हेर्न भने केही समय कुर्नुपर्ने हुन्छ । रिजल्ट सार्वजनिक भएपछि कम्पनीको आईपीओको नजिता ४ तरिकाबाट हेर्न सकिन्छ । सिडिएस एण्ड क्लियरिङ लिमिटेडले सञ्चालनमा ल्याएको (https://iporesult.cdsc.com.np/) नामक वेभसाइटबाट, निष्कासन तथा बिक्री प्रबन्धक एनआईबिएल एस क्यापिटल लिमिटेडको वेभसाइट, राष्ट्र उत्थान लघुवित्त वित्तीय संस्था लिमिटेडको वेभसाइट र मेरो सेयरमा गई आफुले आईपीओमा आवेदन गर्दाको एप्लिकेसन रिपोर्टमा गएर त्यहाँबाट हेर्न सकिन्छ ।