स्याङ्जाको विरुवा गाउँपालिकामा स्वास्थ्य चौकीको उद्घाटन
स्याङ्जा । स्याङ्जाको विरुवा गाउँपालिकामा नवनिर्मित स्वास्थ्य चौकीको उद्घाटन भएको छ । विरुवा गाउँपालिका वडा नं १ कटहरे स्थित विरुवा स्वास्थ्य चौकीको नवनिर्मित भवनको उद्घाटन गाउँपालिकाका अध्यक्ष चुन प्रसाद शर्माले रिवन काटेर गरेका थिए ।
कार्यक्रममा बोल्दै गाउँपालिकाका अध्यक्ष शर्माले नागरिकको स्वास्थ्यलाई मध्यनजर गर्दै गाउँपालिकाले स्वास्थ्य चौकी निमार्ण गरेको र आउँदा दिनहरुमा विरुवाका नागारिकहरु निरोगी हुन भन्ने उद्देशयले अघि बढेको र उक्त स्वास्थ्य चौकी निमार्ण गर्न २ करोड ६२ लाख खर्च भएको शर्माले जानकारी दिए ।
साथै स्वास्थ्य चौकीमा एक्सरे सेवाको समेत उद्घाटन गरिएको उनले बताएका छन् । कार्यक्रममा भवन निर्माण गर्नको लागि आवश्यक पर्ने जग्गा उपलब्ध गराउनुहुने दानविरहरुलाई समेत सम्मान गरिएको र स्वास्थ्य चौकीमा कार्यरत स्वास्थ्य चौकी प्रमुख इन्द्र प्रसाद पौडेलले स्वास्थ्य चौकीको सेवा प्रवाहको विषयमा हालसम्मको अवस्थाको प्रतिवेदन प्रस्तुत गरेको अध्यक्ष शर्माले जानकारी दिए ।
कार्यक्रममा गाउँपालिका उपाध्यक्ष देवी कुमारी थापा , विभिन्न राजनैतिक दलका प्रतिनिधिहरु, स्थानियहरुको उपस्थिति रहेको थियो ।
