पछिल्लो २४ घण्टामा २७५ जना कोरोना संक्रमित थपिए
प्रकाशित मिति : 25 February, 2022 4:29 pm
काठमाडाैं । पछिल्लो २४ घन्टामा नेपालमा कोरोना भाइरसका २ सय ७५ जना संक्रमित थपिएका छन् ।
योसंगै नेपालमा कुल संक्रमितको संख्या ९ लाख ७६ हजार ६ सय ७० पुगेको छ । यसैगरि कोरोना संक्रमणबाट आज थप एक जनाको मृत्यु भएको छ ।
योसँगै कोरोना संक्रमणबाट नेपालमा मृत्यु हुनेको संख्या ११ हजार ९ सय ३२ पुगेको स्वास्थ्य तथा जनसंख्या मन्त्रालयले जनाएको छ । त्यस्तै, आज ५ सय ५५ जना संक्रमणमुक्त भएका छन् ।
हालसम्म ९ लाख ५५ हजार ४ सय ५८ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ८ हजार ६ सय २८ जनामा परिक्षण गर्दा उक्त संक्रमण पुष्टि भएको हो ।
