‘आजको युक्रेन भोलिको अफगानिस्तान हो’
काठमाडौं । इरानका सर्वोच्च धार्मिक नेता आयतोल्लाह अली खामेनीले युक्रेन अमेरिकाले सिर्जना गरेको संकटको शिकार भएको बताएका छन् ।
उनले युक्रेनमा युद्ध अन्त्य गर्न इरानको समर्थन रहेको बताए । तर, यो सङ्घर्षको जरा सबैले स्वीकार गर्नुपर्ने पनि उनले बताए । खामेनीले टेलिभिजन भाषणका क्रममा खामेनीले युक्रेनको संकटले अमेरिकालाई विश्वास गर्न नसकिने देखाएको बताए ।
आणविक सम्झौतालाई लिएर अमेरिका र इरानबीच लामो समयदेखि तनाव जारी छ । युक्रेन संकटबारे खामेनीले भने, युक्रेनलाई अहिले अमेरिकाले तानेको छ । युक्रेनको आन्तरिक मामिलामा हस्तक्षेप गरेर, त्यहाँ रंगमा आधारित क्रान्ति सृजना गरेर, एउटा सरकारलाई ढालेर अर्कोलाई सत्तामा ल्याएर अमेरिकाले युक्रेनलाई यो अवस्थामा राखेको छ । उनले युक्रेनको अवस्थाबाट महत्त्वपूर्ण पाठ सिक्नुपर्ने बताए ।
खामेनीले भने ,“आजको युक्रेन भोलिको अफगानिस्तान हो ।” दुवै देशका राष्ट्रपतिहरूले अमेरिका र पश्चिमलाई भर गरेको तर पछि एक्लै छोडिएको बताएका बीबीसीले उल्लेख गरेकाे छ ।
