रोल्पा सुनछहरी गाउँपालिकामा माओवादी केन्द्रले सुरु गर्यो चुनाव तयारी
निर्वाचन परिचालन कमिटी गठन
प्रकाशित मिति : 2 March, 2022 12:58 pm
रोल्पा । नेकपा माओवादी केन्द्र सुनछहरी गाउँपालिकाले स्थानीय चुनावको तयारी सुरु गरेको छ ।
गाउँपालिकाका पार्टी अध्यक्ष धनबहादुर पुनमगरको संयोजकत्वमा कमिटी गठन गरेर चुनावी तयारी सुरु गरेको हो फागुन १५ गते बसेको गाउँपालिकाको दोस्रो पूर्ण बैठकले पुनको संयोजकत्वमा २ सय ५५ सदस्यीय निर्वाचन परिचालन कमिटी गठन गरेको छ ।
समितिले मतदाता सर्वेक्षण,प्रचारप्रसार,,युवा परिचालन तथा निर्वाचन कोष लगायतका कामलाई अगाडि बडाउने नेकपा माओवादी केन्द्र सुनछहरी गाउँपालिका कमिटीले जनाएको छ ।
अघिल्लो स्थानीय तहको निर्वाचनमा नेकपा माओवादी केन्द्रले सुनछहरीका चुनाव जितेको थियो ।
माओवादी केन्द्रबाट आसबहादुर पुनले २५६१ मत ल्याएर विजयी भएका थिए भने उनका निकटम प्रतिद्धन्द्धी नेपाली कांग्रेसका दुर्गे बुढामगरले ११३६ मत ल्याएका थिए भने नेकपा एमालेका रिमु खत्रीले ९४७ मत पाएका थिए ।
