स्याङ्जाको भिरकोट नगरपालिकामा नवनिर्मित स्वास्थ्य चौकी उद्घाटन
स्याङ्जा । स्याङ्जाको भिरकोट नगरपालिकामा वडा नम्बर ८ मा रहेको नव निर्मित स्वास्थ्य चौकी उद्घाटन कार्यक्रम सम्पन्र भएको छ ।
नेपाल सरकारका पूर्व उपप्रधानमन्त्री तथा नेपाली काँग्रेसका पूर्व उपसभापति गोपालमान श्रेष्ठले शिाला लेख अनवरण गरी उद्घाटन गर्दै उनले स्वास्थ्य चौकिको अभावमा कसैले पनि अकालमा ज्यान गुमाउन नपर्ने कुुरा व्यक्त गरेका थिए । साथै उनले स्वास्थ्य क्षेत्रलाई समृद्धिको बाटोमा लैजाने र स्याङजाको विकासमा आफु अहोरात्र खटिने बताएका थिए ।
त्यस्तै नगरप्रमुख खनालले विकासप्रेमी नेताद्धारा स्वास्थ्य चौकीको उद्घाटन गर्न पाउदा अत्यन्तै खुशि लागेको र हरेक वडामा आधारभूत स्वास्थ्य सेवा तथा सुविधा पुगेको बताउँदै उनले आमा र बच्चाको स्वास्थ्य र पोषणका लागि गर्भवती महिलाहरूलाई निशुल्क अण्डा वितरण गरिरहेको जानकारी दिए ।
साथै कार्यक्रममा भिरकोट नगर उपप्रमुख सिमा के।सि कर्माचार्य, भिरकोट उद्योग वाणिज्य संघका अध्यक्ष जगदिश प्रसाद कोइराला, महिला स्वंयम सेविका तथा कार्यपालिका सदस्य विष्णु माया काफ्ले, वडा नं १ का वडा अध्यक्ष तथा नगर प्रवक्ता दिपेन्द्र के।सि।, वडा नं ५का वडा अध्यक्ष तथा नेपाली काग्रेंस भिरकोट नगर सभापति याम प्रसाद अधिकारी लगायत अन्य व्यक्तिहरुको उपस्थिति रहेको दिपेन्द्र केसीले बताए ।
