माओवादी केन्द्रीय कमिटी बैठक २ बजेलाई सऱ्यो

काठमाडौं । नेकपा माओवादी केन्द्रको केन्द्रीय कमिटी बैठक २ बजेलाई सरेको छ । बिहान ११ बजेका लागि तोकिएको बैठक दिउँसो २ बजेका लागि सारिएको माओवादी केन्द्रीय कार्यालयका मुख्य सचिव श्रीराम ढकाललले जानकारी दिएका छन् ।

माओवादीको केन्द्रीय कमिटी बैठक शुक्रबारबाट सुरु भएको हो । बत्तिसपुतलीस्थित अनुपम पार्टी प्यालेसमा आजको बैठक बस्ने मुख्यसचिव ढकालले बताएका छन् ।

आज बस्ने बैठकमा अध्यक्ष पुष्पकमल दाहाल प्रचण्डले एमसीसीबारे उठेका प्रश्नको जवाफ दिएपछि बैठकका नियमित कार्यसूचीमा छलफल हुनेछ । माओवादी केन्द्रीय कमिटीको बैठकले केन्द्रीय कमिटीको पूर्णता, पदाधिकारी चयन, स्थायी र पोलिटब्युरो गठन गर्ने बताइएको छ ।