भीरकोट नगरपालिकामा मनाइयो ११२ औं अन्तराष्ट्रिय नारी दिवस
स्याङ्जा । भीरकोट नगरपालिकामा ११२ औं अन्तराष्ट्रिय नारी दिवस एक समारोहकाबीच सम्पन्न भएको छ। करिब ८ सय जनाको सहभागिता रहेको र्यालीमा बाजागजा ,नारा ,व्यानर सहित नगरपालिकाको भवनदेखि सुरु भएको थियो । र्यालीमा नगरपालिकाका विभिन्र संघसंस्था , आमा समूह , जनप्रतिनिधिको सहभागिता रहेको उक्त र्याली नवनिर्मित आँधिखोला सिटीहलमा आएर टुङ्गीएको थियो ।
विविध सांस्कृतिक कार्यक्रम सहित भव्य रूपमा सम्पन्न भएको कार्यक्रममा नगरप्रमुख छायाराम खनालले नारी दिवसको शुभकामना दिदैँ महिला आन्दोलनबाट प्राप्त उपलब्धिहरू संस्थागत गर्नुपर्ने कुरामा जोड दिएका थिए । नगरपालिकाले हरेक क्षेण महिलाहरुको हितका लागि विभिन्र तालिमहरु दिदैँ आएको र आउँदा दिनहरुमा पनि महिलाहरुको हितका लागि नगरपालिकाले काम गर्ने उनले बताए ।
साथै सिटीहलमा आयोजित नगर सभामा राजनीतिज्ञ कुमार राना, संस्कृतीविद् डा. तुलसी प्रवास खनाल, राष्ट्रिय सभाका पूर्व सांसद खगेन्द्रराज रेग्मी लगायात अन्य व्यक्तिहरुको उपस्थिति रहेको थियो ।
