प्रकाश सपुतको गीतबारे प्रचण्डको प्रतिक्रिया ‘हामी कोही उत्तेजित हुनुपर्ने छैन’

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रकाश सपुतले ल्याएको पिर गीतबारे कोही उत्तेजित हुनुपर्ने जरुरी नभएको प्रतिक्रिया दिएका छन्।

सोमबार बिहान धनगढी विमानस्थलमा आयोजित पत्रकारहरूसँग कुराकानी गर्दै उनले भने, ‘मैले पूरै गीत हेर्न पाएको छैन ,मिडियाबाट थाहा पाएको हुँ, मेरो विचारमा अहिले हामी कोही उत्तेजित हुनुपर्ने छैन,’ प्रचण्डले भने, ‘तर्क वितर्क हुन्छन्, पक्ष विपक्ष हुन्छन्, त्यसलाई सहज र स्वभाविक रूपले लिनुपर्छ।’

माओवादीकै केही नेता तथा भातृ संगठन वाइसिएल र अनेरास्ववियू क्रान्तिकारीले सपुतको उक्त गीत युट्युवबाट हटाउन माग गरिरहेका बेला प्रचण्डले उत्तेजित हुनु नपर्ने बताएका हुन ।

पत्रकारहरूसँग कुराकानीमा प्रचण्डले जनयुद्द बाट शान्ति प्रक्रियामा आउनु ठिक थियो कि थिएन भन्नेमा पनि बहस भइरहने बताएका थिए।