स्याङ्जामा एक महिने घरघर जाऔँ ,कांग्रेस जिताऔँ अभियान सुरु
स्याङ्जा । नेपाली कांग्रेस स्याङ्जाले स्थानिय तहको चुनाव लक्षित गर्दै एक महिने घरघर जाऔँ , कांग्रेस जिताऔँ अभियान हिजोबाट सुरु गरेको छ । नेपाली कांग्रेसका उपसभापति धनराज गुरुङ्ले अभियानको शुभारम्भ गर्दै कांग्रेसका नेता तथा कार्यकर्ता सबै चुनावी अभियानमा लागेर स्याङ्जाका सबै पालिकामा नेपाली कांग्रेसलाई बिजयी गराउन आग्रह गरेका थिए ।
कार्यक्रममा नेपाली कांग्रेसका पूर्व केन्द्रिय सदस्य एवं युवा नेता प्रदीप पौडेलले ‘स्याङ्जामा कांग्रेसको अवस्था कमजोर नभएको र वी।पी। कोइरालाले कांग्रेस हेर्न स्याङ्जा जाउँ भनेर भन्थे त्यसैले अब सम्पूर्ण कांग्रेसीहरु एकजुट हुँदा स्याङ्जाका ११ वटै पालिकामा कांग्रेसले बिजयी हासिल गर्छ ।
कार्यक्रममा पूर्व सांसद खगेन्द्रराज रेग्मी र शंकरप्रसाद पाण्डे, गण्डकी प्रदेश उपसभपाति कल्पना तिवारी प्रदेश सदस्य अजित क्षेत्री, कार्यवाहक सभापति बुद्धिबहादुर राना लगायतले शुभकामना सहित मन्तब्य व्यक्त गरेका थिए । सो अभियान फागुन २९ गतेदेखि चैत २९ गतेसम्म चल्नेछ । सरकारले वैशाख ३० गते स्थानीय तहको निर्वाचन गर्ने निर्णय गरेसंगै काँग्रेसले एक महिने चुनावी अभियानका कार्यक्रम सुरु गरेको हो।
