नेप्से १७ अंकले घट्दा नेपाल टेलिकमको सेयर मूल्य ५ प्रतिशतले घट्यो
काठमाडौं । सेयर बजार आज दोहोरो अंकले घटेको छ । नेपाल स्टक एक्सचेन्जका अनुसार मंगलबार सेयर मापक सूचक नेप्से परिसूचक १७.१५ अंकले घटेर २६५०.९७ को अंकमा पुगेको छ भने सेन्सेटिभ परिसूचक ७.२६ अंकले घटेर ५०२.५९ को अंकमा पुगेको थियो ।
आज नेप्सेमा कारोबार भएका कूल १३ उपसमूहमध्ये आज ४ वटा उपसमूहको सेयर बढेको छ भने बाँकी ९ वटा उपसमूहको सेयर घटेको छ ।
मंगलबार कारोबार रकमका आधारमा नेपाल टेलिकम अग्रस्थानमा रहेको छ । आज टेलिकमको ३४ करोड २३ लाख ५७ हजार एक सय ९४ रूपैयाँ बराबरको कारोबार भएको हो ।
त्यस्तै आजको दिन इमर्जीङ नेपाल लिमिटेडका सेयरधनीले सबैभन्दा धेरै मुनाफा कमाएका छन् । कम्पनीको सेयरमूल्य ९.९८ प्रतिशतले बढेर प्रतिकित्ता ४ सय २९ रूपैयाँ ७० पैसा पुगेको छ ।
आज नेपाल टेलिकमका सेयधनीले सबैभन्दा धरै गुमाएका छन् । कम्पनीको सेयरमूल्य आज ५.१३ प्रतिशतले घटेको छ ।
कूल २२९ वटा कम्पनीको ६५ लाख २९ हजार २६ कित्ता सेयर खरिदबिक्री हुँदा ३ अर्ब ३६ करोड ४२ लाख २९ हजार १ सय ७५ रूपैयाँ बराबरको कारोबार भएको नेप्सेले जनाएको छ ।
