सुनको मूल्य फेरी प्रतितोला १ लाख रुपैयाँ नाघ्यो

काठमाडौं । नेपाली बजारमा मंगलबार पनि सुनको मूल्य उकालो लागेको छ ।

मंगलबार छापावाला सुन प्रतितोला ८०० रुपैयाँले बढेर छापावाला सुन प्रतितोला १ लाख ३०० रुपैयाँ र तेजाबी सुन प्रतितोला ९९ हजार ८०० रुपैयाँमा कारोबार भइरहेको नेपाल सुनचाँदी महासंघले जनाएको छ ।

हिजो सोमबार पनि सुनको मूल्य तोलामा ३०० रुपैयाँले बढेको थियो। यो दिन प्रतितोला छापावाला सुनको मूल्य ९९ हजार ५०० रुपैयाँ र तेजाबी सुन ९९ हजार रुपैयाँमा कारोबार भएको थियो।

आज चाँदीको मूल्य तोलामा २० रुपैयाँले बढेर १ हजार ३९५ रुपैयाँमा कारोबार भएको छ । हिजो मूल्य स्थिर रहँदै चाँदी तोलाको १ हजार ३७५ रुपैयाँमा किनबेच भएको थियो।