नेपाल फाइनान्सले ७० प्रतिशत हकप्रद सेयर जारी गर्न बोर्डबाट पायो अनुमति
काठमाडौं । नियामक निकाय नेपाल धितोपत्र बोर्डले हकप्रद सेयर निष्काशन गर्न नेपाल फाइनान्स कम्पनी लिमिटेडलाई अनुमति दिएको छ ।
बोर्डले हिजो चैत्र ८ गते मंगलबार कम्पनीलाई कु्ल चुक्त पुँजीको ७० प्रतिशत हकप्रद सेयर निष्काशन गर्न अनुमति दिएको हो ।
कम्पनीले हाल कायम चुक्ता पूँजीको १ बराबर ०.७० कित्ता अनुपातमा १ सय रुपैयाँ अंकित दरका ३४ लाख ५४ हजार ४७४ दशमलव २८ कित्ता हकप्रद सेयर निष्कासन गर्नका लागि नियामक निकाय धितोपत्र बोर्डसँग अनुमति पाएको छ ।
फाइनान्सको हकप्रद सेयर निष्काशन तथा बिक्री प्रबन्धकमा प्रभु क्यापिटल रहेको छ ।
नेपाल फाइनान्स कम्पनीको भदौ २६ गते शनिबार सम्पन्न २८ औं वार्षिक साधारण सभाले ललितपुर फाइनान्सलाई प्राप्तिपछि कायम हुने चुक्ता पूँजीको ७० प्रतिशत हकप्रद शेयर निष्कासन गर्ने प्रस्ताव पारित गरेको थियो ।
कम्पनीले कार्तिक १ गते नियामक निकाय धितोपत्र बोर्डसँग हकप्रदको अनुमति माग्दै निवेदन दिएको थियो ।
