भीरकोट नगरपालिकामा प्रदेशस्तरीय क्रिकेट प्रतियोगिता सुरु
स्याङ्जा । स्याङ्जाको भीरकोट नगरपालिकामा प्रदेश स्तरीय छैटौँ दिपन स्मृति क्र्रिकेट प्रतियोगिता सुरु भएको छ ।
स्यााङ्जा ,कास्की र पाल्पाका गरि १५ टिमको सहभागीता रहेको प्रतियोगिताको समुद्घाटन भीरकोट नगरपालिका नगरउपप्रमुख सिमा केसी कर्माचार्यले गरेकी थिइन् ।
भीरकोट वडा नम्बर १ हेलु लामाचौर युवा क्लबको आयोजना र भीरकोट नगरपालिकाको सहयोगमा दिपन बहुउद्देश्यीय खेलमैदान लामाचौरमा संचालित प्रतियोगिता चैत्र ८ देखि १३ गतेसम्म सञ्चालन हुने छ ।
उद्घाटन खेलमा भने भीरकोट हेलुको कन्साइन्स आवासीय मा वि ले विजयी सुरुवात गरेको छ । उक्त खेलमा कन्साइन्स मावि हेलुको टीमले भुपु सैनिक एकेडेमी बयरघारीमाथि विजय हासिल गरेको हो ।
साथै उद्घाटन समारोहमा भीरकोट नगरप्रवक्ता एंव वडा नम्बर १ का वडाअध्यक्ष दिपेन्द्र केसी , नेपाली कांग्रेस भीरकोट नगर सभापति एंव ५ नम्बर वडाअध्यक्ष लक्ष्मण अधिकारी लगायत अन्य राजनितिज्ञ ,समाजसेवि व्यक्तिहरुको उपस्थिति रहेको नेपाली कांग्रेस नगरसभापति लक्ष्मण अधिकारीले बताए ।
