नेपाली कांग्रेस स्याङ्जाले गर्यो आफ्ना गतिबिधि सार्वजनिक
स्याङजा । नेपाली कांग्रेस जिल्ला कार्यसमिति स्याङ्जाले पत्रकार सम्मेलन गर्दै आफ्नो गतिवधिका बारेमा जानकारी गराएको छ । पुतलीबजार नगरपालिका १ स्थित पार्टी कार्यालयमा आयोजित प्रेस युनियन निकट पत्रकारहरुको सहभागितामा सम्पन्न महाधिवेशन र अहिलेसम्म भए गरेका काम कारवाहीका बारेमा जानकारी गराइएको हो ।
पार्टी प्रवक्ता भरत प्रसाद लम्सालले जिल्लाको महाधिवेशनपछि समिति निर्माण, बिभिन्न २५ वटा बिभाग गठन, क्षेत्र नं। १ को महासमिति सदस्य सर्वसम्मत चयन, कार्यालय ब्यवस्थापन र जिम्मेवारी सहित निर्वाचनका बारेमा जानकारी दिएका थिए । उनले आम नागरिकलाई सत्य र तथ्य बुझाउने माध्यम नै पत्रकार जगत भएकाले बास्तविकतामा आधारित रहेर सही जनमत जुटाउनेगरी कलम चलाउन सुझाव दिएका थिए ।
यसैगरी, घर घर जाउ, कांग्रेस जिताउ अभियान सहित नेपाली कांग्रेसले जिल्लाका ९७ वडामा आफनो अभियान संचालन गरेको छ । साथैजिल्लामा केन्द्रीय प्रतिनिधिका रुपमा युवा नेता एवं केन्द्रिय सदस्य प्रदीप पौडेललाई खटाइएको भीरकोट कांग्रेस नगरसभापति लक्ष्मण अधिकारीले बताए ।
