बालुवाटारमा सत्तारुढ गठबन्धनको बैठक जारी

काठमाडौं । सत्तारुढ गठबन्धनको बैठक बालुवाटारमा चलिरहेको छ । बिहीबार प्रधानमन्त्री निवास बालुवाटारमा गठबन्धनको बैठक जारी रहेको बालुवाटार स्रोतले जनाएको छ ।

कांग्रेसले चुनावमा तालमेल गर्ने निर्णय लिएपछि आज गठबन्धनको बैठक बसेको हो । बैठकले तालमेलको खाका बनाउने अपेक्षा गरिएको छ । बैठकमा प्रधानमन्त्री शेरबहादुर देउवा सहित पाँच दलका शीर्ष नेताहरू सहभागी छन् ।

बैठकमा शेरबहादुर देउवा, झलनाथ खनाल, रामचन्द्र पौडेल, नारायणकाजी श्रेष्ठ, अशोकराई, पूर्णबहादुर खड्का, गगन थापा, दुर्गा पौडेल, राजेन्द्र श्रेष्ठ र ज्ञानेन्द्रबहादुर कार्की सहभागी छन् ।

बालुवाटार स्रोतका अनुसार यता माओवादी केन्द्रका अध्यक्ष पुष्पकमल दाहाल भने बैठक सुरु भएको केही बेरमै निस्किएका छन् ।