पाँचदलीय गठबन्धन गरेर चुनावमा जाने विषयमा स्याङ्जामा छलफल सुरु

स्याङ्जा । आगामी निर्वाचनमा पाँचदलिय गठबन्धन गरेर चुनावमा जाने विषयमा स्याङ्जामा छलफल सुरु भएको छ ।

नेपाली काँग्रेसको पार्टी कार्यालयमा भएको छलफलमा ५ दलका नेतृत्वतहको सहभागीत रहेको र छलफलमा ११ पालिका ९७ वडामा आवश्यकताका आधारमा तालमेल गर्न सकिने गरि छलफल भएको नेपाली कांग्रेस जिल्ला सभापति राजु थापाले जानकारी दिए ।

उनले भने, ‘तालमेलको आवश्यकता र सुझावको रिर्पोट आएपछि यसको टुङ्गो लगाउने छौँ ।’

छलफलमा नेपाली काँग्रेसका तर्फबाट सभापति राजु थापा, नेकपा माओवादी केन्द्रका तर्फबाट शैलेन्द्र घिमिरे, नेकपा एककिृत समाजवादीका जिल्ला अध्यक्ष रामचन्द्र भट्टराई, राष्ट्रिय जनमोर्चाका जिल्ला अध्यक्ष राजेन्द्र गैह्रे र जनता समाजवादीका खेमनारायण ढकालको सहभागिता रहेको थियो।