प्रतितोला १ सय रुपैयाँले बढ्यो सुनको मूल्य

काठमाडौं । नेपाली बजारमा छापावाला सुनको मूल्य बढेको छ । मंगलबार नेपाली बजारमा छापावाला सुनचाँदीको मूल्य १ सय रुपैयाँले बढेर ९८ हजार ८ सय रुपैयाँमा र तेजाबी सुन ९८ हजार ३ सय रुपैयाँमा कारोबार भएको नेपाल सुनचाँदी महासंघले जनाएको छ ।

हिजो सोमबार छापावाला सुन प्रतितोला ९८ हजार ७ सय रुपैयाँ र तेजावी सुन ९८ हजार २ सय रुपैयाँमा कारोबार भएको थियो ।
त्यस्तै आज चाँदीको मूल्य १० रुपैयाँले घटेको छ । सोमबार एक हजार तीन सय ५० रुपैयाँमा कारोबार भएको चाँदी मंगलबार १ हजार तीन सय ४० रुपैयाँमा कारोबार भइरहेको महासंघले जनाएको छ ।