वालिङ नगरपालिकामा स्थानिय उत्पादन बजारीकरण गर्न कोसेली घर
स्याङ्जा । स्याङ्जाको वालिङ नगरपालिकामा कोसेली घर निर्माण गरी सञ्चालनमा ल्याएको छ । स्थानिय स्तरमा उत्पादन भएका वस्तुहरुको बजारीकरणमा जोड दिदैँ कोसेली घर सञ्चालनमा ल्याइएको हो ।
नगरप्रमुख दिलिप प्रताप खाँणका अनुसार वालिङ नगरपालिकाभित्रका स्थानिय स्रोत र साधनको अधिकतम प्रयोग गरी निर्माण गरिएका स्वीटर, तानका कपडा र अन्य हस्तकलाका सामाग्रीहरु कोसेली घरबाट बिक्रि हुने जानकारी दिए ।
उनले भने,“नगपालिका भित्रका स्थानियस्तरमा उत्पादन भएका सामग्रीहरुको प्रचार प्रसार हुनुकासाथै बजारीकरणकालागि यसले महत्वपूर्ण भूमिका खेल्ने विश्वासमा छौँ ।’’
वालिङ नगरपालिकाभित्र उद्यमशीलताको विकास गर्ने क्रममा खाद्य तथा तरकारी र मासुजन्य उत्पादनलाई ब्यवस्थित गर्नकालागि वालिङ प्रोडक्ट होल्डिङ बहुउद्देश्यीय सहकारी संस्थालाई जिम्मा दिईएको छ ।
साथै केही समय अघि ‘आमाको हात घर–घरको स्वाद’ भन्ने मुलनाराका साथ वालिङ नगरपालिकामा अर्गानिक अचारको व्यवशायीक उत्पादन र बिक्रिबितरण समेत शुरु गरिएको थियो ।
