एमालेले टुङ्ग्यायो रोल्पाको सबै पालिकामा उम्मेदवार
रोल्पा । नेकपा एमालेले रोल्पाको सबै पालिकामा आप्mनो उम्मेदवार चयन गरेको छ । वैशाख ३० गते हुन लागेको स्थानीय चुनावको लागि एमालेले रोल्पाको सबै पालिकाको लागि अध्यक्ष र उपाध्यक्ष चयन गरेको हो ।
एमालेबाट रोल्पा नगरपालिकामा अध्यक्षमा घनश्याम आचार्य र उपाध्यक्षमा कृष्णीकुमारी गौतम चयन भएका छन् भने सुनिल स्मृति गाउँपालिका अध्यक्षमा खिमचन्द्र पुन र उपाध्यक्षमा तारा सेन उम्मेदवार चयन भएका छन् ।
लुङ्ग्री गाउँपालिकाको अध्यक्षमा विर बहादुर खड्का र उपाध्यक्षमा जुकमती बस्नेत चयन भएका छन् भने सुनछहरी गाउँपालिकाको अध्यक्षमा जयप्रकाश बुढामगर र उपाध्यक्षमा पूर्माला खत्री उम्मेद्वार चयन भएका छन् ।
थवाङ गाउँपालिको अध्यक्षमा रविन्द्र रोका र उपाध्यक्षमा शान्ती घर्ति मगर चयन भएका छन् भने परिवर्तन गाउँपालिकाको अध्यक्षमा गंगाराम बुढा र उपाध्यक्षमा सपना रोक्का उम्मेदवार चयन भएका छन् ।
गंगादेव गाउँपालिकाको अध्यक्षमा रोशन कुमारी वली र उपाध्यक्षमा निर्मला कुमारी वली चयन भएका छन् भने माडी गाउँपालिकाको अध्यक्षमा विजय घर्ति मगर र उपाध्यक्षमा अमृता कुमारी घर्ति मगर उम्मेदवार चयन भएका छन् ।
यस्तै त्रिवेणी गाउँपालिकाको अध्यक्षमा कर्ण बहादुर बाठा र उपाध्यक्षमा जानकी बुढा चयन भएका छन् भने रुन्टीगढी गाउँपालिकाको अध्यक्षमा बालाराम बुढा र उपाध्यक्षमा हस्तमाली बाँठा मगर उम्मेदवार मा चयन भएका छन् ।
