गोसाईकुण्ड गाउँपालिकामा माओवादीबाट अध्यक्षको उम्मेदवार बनेका तामाङ एमालेमा प्रवेश

काठमाडौं । रसुवाको गोसाईकुण्ड गाउँपालिकामा अध्यक्ष पदमा माओवादीबाट उम्मेदवार बनेका तेन्जेन छेसाङ तामाङ एमालेमा प्रवेश गरेका छन् ।

माओवादी केन्द्रका तर्फबाट मनोनयन दर्ता गराएका उनले बिहीबार पार्टी परित्याग घोषणा गरेसँगै एमालेमा प्रवेश गरेका हुन् । उनले आफ्नो मनोनयन पनि फिर्ता लिने बताएका छन् ।

माओवादीको गाँउपालिका इन्चार्ज समेत रहेका तामाङ माओवादी केन्द्रको तर्फबाट गोसाईकुण्ठ गाउँपालिकाको अध्यक्ष पदमा उम्मेदवार बनेका थिए ।

स्थानीय तह निर्वाचन ऐन २०७३ मा सम्बन्धित दल वा उम्मेदवारले चाहेमा मनोनयन फिर्ता हुने व्यवस्था छ । आयोगले आज अपरान्ह्र ५ बजेसम्म उम्मेदवारी फिर्ता लिन सकिने समय दिएको छ ।