स्याङ्जामा कांग्रेस उम्मेदवारमाथि ढुङ्गा प्रहार, भीरकाेटका वडाध्यक्ष प्रत्यासीसमेत तीन घाइते
स्याङ्जा । स्याङ्जाको भीरकोट नगरपालिकामा नेकपा एमालेका कार्यकर्ताले कांग्रेसका उम्मेदवारमाथि ढुङ्गा प्रहार गरेका छन्।
नेपाली कांग्रेस भीरकोट नगर कार्यसमितिका सभापति याम प्रसाद अधिकारीका अुनसार एमालेका कार्यकर्ताले प्रहार गरेको ढुङ्गा लागेर कांग्रेसको तर्फबाट वडा नम्बर ८ का अध्यक्षको उम्मेदवार नन्दु खनालसहित तीन जना घाइते भएका छन्।
घाइते हुनेमा खनालसमेत दलित महिला सदस्य हुमकला नेपाली र घनबहादुर गुरुङ छन् । घाइतेमध्ये गुरुङलाई गम्भीर चोट लागेको छ भने बाँकी सामान्य घाइते छन्।
घाइतेकाे वालिङ अस्पतालमा उपचार भइरहेको कांग्रेस नगर सभापति अधिकारीले जानकारी दिए । घाइलाई भीरकोटमा सामान्य उपचार गरेपछि थप उपचारको लागि वालिङ अस्पतालमा उपचार गरेको अधिकारीले बताए।
घटनाबारे अनुसन्धान जारी रहेकाे जिल्ला प्रहरी कार्यालयका प्रहरी नायव उपरिक्षक रबिन्द्र खनालले बताए ।
